<<< السيارات الهجينه (( hybrid cars )) و طريقه العم

السلام عليكم و رحمه الله ...
كيف حال الشباب عساكم بخير و صحه و سلامه ..
و عيدكم مبارك مقدماً و حجاً مقبول للحاجين
السيارات الهجينه hybrid cars هل هي نقله نوعيه وله هي سيارات كونسيت و تحدي تكنلوجي حالياً ما ادري
حالياً شركه لكزس جايبه ثلاث سيارات وحده حق وزير و من اسره حاكمه و سياراتين تجربه هل السياره تتحمل لاجواء الخليج وله لاء ..
اتوقع هذي الخطوه كبيره حيل .. و راح اقولكم بعد تجربه السياره من قبل مستشار الشركه و كلامه عن السياره ..
المهم السيارات الهجينه شنو اهي ؟!
اهي عباره عن سياره تعمل عن طريق مصدرين للقوه
يعني تكون سياره كهربائيه و محرك احتراق داخلي ..
طبعاً كل الشركات في العالم لهم باع كبير في هل نقله النوعيه و ما ننكر فضل GM

طبعاً قعدت ادور علي افضل الصور عشان اشرح علي الخفيف للاسف ما لقيت و دكتورنه بلكليه عنده خوش صور اخذهم و اسوي الموضوع الثاني و تفصيل اشوي اكثر
و كل شركه لها طريقه في التصميم ما ادري ليش العقيد و مو ثابتين علي طريقه وحده نفس السيارات الحاليه ..

اكبر مصنع في العالم للسيارات الهجينه هي تيوتوتا مع لكزس و اللكزس LS460 خذت افضل تصميم للسيارات الهجينه و اهي الثلاثه الموجوده بلكويت بلمحرك الاخر 5.0 لتر ..
الحين بشرح بشكل مختصر مفيد :
طبعاً فيه نوعين من السيارات الهجينه
اولاً خل نتكلم من شنو تتكون السياره الهجينه

شوف الارقام علي الصور و تابعني
1 - هذا المحرك احتراق داخلي (( بانزين - ديزل - توربين - غاز ... )) وهو اساسي في السياره .
2- هذا للتحكم بكميه القوه الخارجه حق المحرك الكهربائي و يحول من DC الي AC و العكس يعني يغير في التيار و يرتفع الفولت 500 مو طبيعي ولله .
3- هذا الجنريتر مولد كهربائي ياخذ طاقه من المحرك و يحولها الي طاقه كهربائيه وله وظيفتين بعدين نقولهم .
4- هذي البطاريه تشحن عن طريق الجنريتر .
5- المحرك الكهربائي موجود علي كل عجله و في اغلب السيارات الهجينه محرك واحد .
هذي هي الاشياء الاساسيه في السياره
الان نأتي الي طريقه العمل ..
__ المحرك الكهربائي يعمل داخل المدن و المناطق المغلقه عن طريق البطاريه و في السيارات لها سرعه محدده مثلاً لمن تتعدي ال 40 كيلو متر يتحول من محرك كهربائي علي البطاريه الي محرك كهربائي علي المحرك الاحتراق الداخلي او من المحرك الي العجلات .
__ المحرك يعمل ودوران المحرك يدور الجنريتر و الجنريتر له وظيفتين الاوله يشحن البطاريه و باقي الطاقه تحرك المحرك الكهربائي .
__ في بعض التصاميم المحرك غير متصل مع الدفرنشل و ماله اي وظيفه غير انه يدور الجنريتر للطاقه الكهربائيه و المحرك الكهربائي يدور العجلات بسيطه جداً .
__ السياره ما تحتاج جير بوكس وله اي نوع من الدفرنشلات في العاده .
__ يمكن شحن البطاريه عن طريق الكهرباء العاديه و المحرك عندما يعمل يشحن البطاريه .
__ الجنريتر يعمل مثل السلف عشان يشغل المكينه عندما تنفذ البطاريه علي فكره تحويل كم بطاريه الي المحرك الاحتراق الداخلي تماتيكياً .
__ البطاريه تقدر تمشيك من 1 كيلو ال ي2 كيلو بلكثير .

__ و الاستهلاك اقل بكثير جداً الي اتذكره انه نفس السياره و الفئه صرف البانزين كان 30 و المحرك الهجين 18 يعني تقدر تقول الصرف اقل بي 45% ال ي50% .

هذا تصميم المرسديس لو تلاحظون انه فيه جير و مو ناجح ابداً ..

__ كلمه مستشار الشركه يقول :
انه السياره افضل من الفئه العاديه و هادئه اكثر و اقل استهلاك للوقود بصوره اكبر و حالياً قاعدين نجربها علي اجواء الخليج و السياره اقوي من العاديه و عند السرعه الكامله تستخدم المحرك الكهربائي و المحرك الاحتراق الداخلي و ايضاً قوه البطاريه يعني ماكو شحن للبطاريه ..
طبعاً فيه نقاط كثيره و معلومات اكثر بس ماني قادر اجمع المعلومات
المهم الموضوع مفتوح للنقاش و اي سؤال او اقتراح او فكره او اي شي لا تبخل ولا تخجل ..
الرجاء عدم النقل الي بأذن صاحب الموضوع

» طريقه لتقرب زوجك منك
» مواقع جميع السيارات
» قائمة لأكثر السيارات أماناً في عام 2007